Kuwai Kendara - Class 10

Compare

Kuwai kendara kothoma swinai wngkha Swikwrwng Chandra Mohan Debbarma. O kothoma ni bisingtwi swinai swkang jora o khuk bai khugo kochogwi paijak kerang kothoma ni Kokno khursaui saja kha kami kuridok nokdokni khoroksa randijwkmani bwsala songni kothomarokno. Bini bwsajwla song belai tongwrwng chaya, seler buini kok khwnaya tongmani. O bwsajwla song selerni bagwi buma randijwk nukhungni samung kaphwraui ma tongjao. Abotwini salsao mogodam bari tangphuru chibuk hajikorni bwtwi Manwi no-go muikwthwng kwrwini bagwi chakhwi songwi bwsalasongno chario. O chakhwi machaui bwsala song thokjagwi chibuk hajikorni bahan chanani kha thonlaio. Phiyaba chibuk hajikor borokni khuk ruwaibai phan kwrak tai kwthang tongma bai tai takhuksini song lukuni samung hamya khlaima bai swraijagwi chibuk hajikorno butharwi manliya.

Jono Shikha Samitini Sal - Class 10

Compare

Jono sikha somitini sal kothomano swinai wngkha Dasarth Debbarma. Jono sikha somitini puila achukphang wngkha Sudhanwa Debbarma Jono sikha somiti chini Tipra hodani borokrogni bising lekha pora rwngya wngmano phwrwngnani, dophani lukurog biyalo kwlaiui tongmano romui tisanani eba biyalno kebengwi bathakyaui choba khlainani bagwi puila phaisingo motha khajago. Bono karwi chini bisingni hukumuno romui tisanani naikani khlaimung hamyarogno kebengwi bachanani,hodani puito mwnakrogno norwi lukurog soi soi lama phunukgwi bwskango agogwi twlangnanirogno Jono sikha somitini naharmung.

Sachlwngni Imang - Class 10

Compare

Sachlangni imang kothoma swinai wngkha swikwrwng Narendra Debbarma.O kothomani bisingtwi Sachlang hinwi khoroksa tongwrwngmankha bini langma ni kothomano twi sajago achai phaiphuru ni simi dukhu birman kakya bini bupha bo bumani bohogo tongphuru no sachlangni bupha khi kwba bemar manjagwi thwi kha.Aboni ulo bo chwrai phuru no buma bo thwijao kha sachlang bumamasong bai no torkha lokha.Sachlang dukhu birman ni bisingo phano bwkha bai yaui thinang kaham khlai nani wansuk ma nuk jak kha bo chumna muchungma chumya kanna muchungma kanya paina muchungma paiya tei chana muchung ma chaya khlaiui samung tangwi ajiui thinangni bagwi khatio. Swikwrwng abono khursa na naikha chini langmabo jesa phano dukhu birman phaithung chwng chini thinangni bagwi wansuk ma choya wngna nangnai romdi tabuk nini jora hamya mang hinkhe hamya mang thangnai abo kokya aboni sai thinang o ang teibo kaham wngnai hinui se ma chaitok thai hinwi sajak kha.

Wansukma - Class 10

Compare

Wansokma kothoma ni bisingtwi swikwrwng Haripada Debbarma nukhung khungsani kothoma sano sana naikha je nukhung khalai thangthani kwbangma kebengmung tei walai suklai jwngjal phai mano tei a jwngjal rokno mechenwi hik sai kaham khese ma tongnai phiya Wansukrai bai Malina songni nukhungo bo haino kisamisa kokbanglaima baino wansukrai nok yakarwi kwlangthango yango bihik Malina hinkhe nukhung kotorni hamjwk wngma bai poja kotor ma horjak ma tongu bwsa bwtwi no charina kharina nango tei nukhung bo samolok na nango.Abo hai wansukrai ni bihik hinkhe nukhung kotorno thamogwi toninani rwngmari gwnang chukjak hamjwk hinwi Wansukma kothomao khursajak kha.

Ani Ganao Ang - Class 10

Compare

Ani ganao ang koklop swinai wngkha Nanda Kumar Debbarma.O koklopni bisingtwi dopha hamkraini bagwi samung tangna thani sakthar mani bisingtwi samungno kaham khwlai pai riui manya wngmani kokno sajak kha. Bosongni borok sichajak kisaswkrog dopha hamkraini samung tangwi tongphano bebak borok abotwi wngya. Baksa borokrog buino phunuknani simi eba mung Nani bagwi simi bo ereng ereng dophani samung tangwi phunugo. Phiyaba dophani bagwi kha rwui wansuk kwthar wansuknai borok bangya wngma bai samungrog aswk chasugwi manya. Dopha hamkraini bagwi jeswk wansukjago abobai mwkthangni tongmung chalwi tongphano borok khoroksano hodani tai baithang I wngmabai imang nukmani samungbai mukthangni tongmungni bising nokhasa khujak pherlaimung nukjagwi tongo hinwi sajak kha.

Andarni Khuri - Class 10

Compare

Andarni khuri(আনদারনি খুরি )koklop ni bising twi Swinai sana nai kha je achaiui phainai langma gwnangrog jorani juda juda kebengmung bai koboljago. Kwthang tongma jorao chwng sak baithang bagwi saktharma bai baksa bosong, Dophani hmari bagwibo ma sak tharo.O saktharma jora yaksi yagra ukolok bwskang bebak phasingtwino dalbidal musle phantwi phano. Langmani lama eba kwthang tongphuru tongmani jora twi kotor twimahai paimani thakmari kwrwi.Achaiui phaiui je langma tongsak chwng chini tangthai samungrog jwngjal kebengmungni bisingtwino tangwi ma thango.O samungrog tangphuru tangbrumno kebengmungrognibo ari kwrwi.Achaidropni uli simi chwng jwngjal kubulmani thwiphurubo o jwngjalno twiuino ma thwio.Kwcharo kwthang tongphuru chwng chibuk musle bini bwsak je loksak manui phanmatwi chwngbo jwngjal phanjagwi ma tongo hinui khursajak kha.

Hachuk Gwnangwi Maichwlwi Pino - Class 10

Compare

Hachwkgwnangwi maichwlwi pino koklopni bisingtwi chwng saui mankha huk khlai chanai lukurog belai samung kwrak ma tangphano lengmano pogna bagwi tongthok chathokni tongmungrogbo rwglaio.Bolong hakwrak hapung huk chama bai bolong hoknani, hukni ari ruknani, maino khobui juda juda manwi bwchwlwi kainani, hukni jabra tangnani, ulo a manuirog thaikhe tisa nani belai samung kutuk.O samungrog yak thayakheno ma tangma bai tangnairogni sakni thwi twirog kolomtwi wngwi wngkhorwi thangna nango A samungrog tangwi sakni kolomtwi wngkhorwi thangmano sakni thwi twi khao hinui sajak o.Hukni samung khlai thani yak thangya khe tangma haino chini hoda dophani eba bosongni kokni bagwi saktharwi samung tangnani kok no khursaui phunuk jak kha.Aboni bagwino thinang achaisongni thani chini bosongni kokni hamkrai, hukumu,tangmung-twimung,tongmung chamung,hukumu-mukumurogno yapharwi kwlangnani saktharma nukjago.

Hani Kothomarog - Class 10

Compare

Hani kothomarog (হানি কথমারগ) koklop swinai wngkha Budhrai Debbarma (বুদরায় দেববর্মা) Chini borokrogni langma kwbangma samung tangthani eba khlai thani samung derama nukjago.Thinang tamo wngnai abono wansugwi samung tangya hinkhe deramung phainai abo ni bagwi swinai Sirisitini simi sajagwi phai jak eba khwnalai phaijak kothomarogni kokno khursaui phunuk kha.Ramayan ni kothoma o bahai khe Lokhon bwta Ram ni bagwi kaijakma kwtalno bihikno yakarwi Ram-ni logi bolongo thangmani nugu tei kaisa kothoma ni kokno samani wngkha abo khe chethwang o kothomao bahai bwta bahanok bai kaijakna muchungjagwi samani bahanok gosiya wngwi chwthuang buphangni bochogo kaui thangwi bini langma rikha abono karwi bo nuai,kherengbar kothomarogo bahai samung deramung phaikha a kokbo khursai phunukkha.