Course description

Kokbwkha:-

Jeswk  biyalni bisingo tongwibo borokrog thinangno kaham khlainani saktharo tai Thinang kahamni imang nugo. Narendra Debbarma bai swijak sachlangni imang kothomao sachlang mungwi cherai khoroksa bohogo tongphuruno bupha khi kwpa bemar Manwi thwiui thango. Bupha thwimani ulo bo cheraiphuruno buma thwiui thangma bai bo bumamasong bai torkha. Buma masongbo kwrwija borokni bisingno tongma bai sachalang simibai hinjaknai ulo bumama bupha song tongma jagao nok khungsa tangwi rio. Sachlang baithang rwngremchio swrwngwi tongma bai bagsa buinobo phwrwngwi rangrog ajio. O ajima rangbai bo sak baithang chana nungna swbaimano karwi thinangni bagwi khatio. Abotwi tongmungno salsa borogni kamisuro cherairogno phwrwngwi sairik no-go kiphilphuru lamao nokbar, watwi, kothor manjago.

                                  O nokbar sipma bai kechangjagwi bo doga togwi phiyogrwi noksingo haprakliya,nukao bachaui tongo. Aphuru nukao tongtwtwo tailam phiyokjaktei sukraini bwsajwk salkano Khat saka rokojak nuhoro. Salkano bo sini phano kokrogsalai jakya . Salka khat saka rokoui redio khwnaui tongphuru bini buma buohasong ganti no-go mai mui  songlai tongo.Sikla soksa drop sachlang salkano nugui tai redioni rwchapmung khwnaui mokolo imang buljagwi thango. Bo a bisio maidomik rwmani bisinwi ulo remchinwi pas khlaiui college hapnani tai collegebi B.A pass khlaimani ulo chakri khlainani chongo. Chakri khlaiui naithothok nok khungsa tangwi salkabai naithothok- tongthothongni nukhung khanani imang nugo.

                       Bo imang nugwi tongmabai buphuru nokbar watwi thakha sai manrwkyaphano salkasongni nok ganani buphano ringphuru imang sichaui sachlang nok bwkhak lam rwo.Mwnak bisingo gatio yakungrog suo bini nokhwlani thastwiphangno tangwi bini nokhlao nok malaiya wngwi naio. Ulo nokni tala khulokna naiphuru nok malaiya wngwi taisa kiphilui bini thastwiphangno tangwi naiphio. Aboni ulo yakarmnwi yakhaktham hinui nokha philikmani pohorbai bini nokno hachalo khitarjak khe nugo. Kok khe nokbar kotoro phaiui bini nokno deraui kwlango.O tongthainok derajak nugui sachlang puila mwlang chaui thangphano ulo tai waisa thinang khaphinani bwkha thono, Aboni bagwino bo sak sakno sao nokbar kotor phaii ani nokno swbaiui kwlangphano ani bwkhao le swbaiui manglak.

What will i learn?

• Saichung songdari tongnai Sachlang sut- kamchlui tei yakalap kwtal paiui manjakya.Aboni bagwi bo bini thani je tongmani sut kwcham, kamchwlwi kwcham, yakalap muchi nogo laisujaknai borokrog Sachlangno kisamasa kara thwngo. Cherai phangsini belai dukhu manwi phaima bai bini khapango mwnwimung kwrwi wngkha.Bo bumani ago tongphuruno bupha khi kwpa mwnwi thwijaklango. Bini umor bisiba phuruno buma bo i masing yakarlango.Bo bukhura songni nogo tongwi rwng remchar jora porikha.Ulo bukhrijwkbai han bara achaijakmahaikhe wngjagwibo bupha agi tongmani tongthaio bukhura bai tangwi rwjamani ngo saichung susuru tongo.Cherai sak saichung tongjama bai tai achaiphangsini dukhu birman manui phaima bai tai biyalni logio kubuljak wngmabai bo kha phiyogwi mwnwi manya.Kara thwngmungrogbai bini kanmung chummungrogno twiui bengaijak khe chukyani bagwi bini abohai tongmung ma tongkha hinui kha bisingo wamsukgwino bo waseksa simi mwnwio.

Frequently asked question