Ti-Tun - Class 11

Compare

Ti –Tun ( তিই-তুন) Koklop swinai wngkha swikwrwng Ramkumar Debbarma (রামকুমার দেববর্মা) bubagrani amolo osa mwtai phai kha hinkhe bubagra bai chong jak binondiya rok kami kami thangwi phinjak manui khwnui thumna bagwi thango. Abo haino bubagrani binondiya rok kwrwi gwnang siya borog jephuru thumna thango aphuru mana ni muchung jakmanino phunukgwi sajak kha tongkosong tongjanai kami ni lukurogno satok pitok khlai mani kokrogno oh koklop ni bising swikwrwng khursaui sajak kha.

Huk - Class 11

Compare

Huk(হুক)kokbom swinai wngkha swikwrwng Shyamlal Debbarma(শ্যামলাল দেববর্মা) o kokbom ni bisingtwi swikwrwng Tiprasarogni tongwrwng agini jora bai tabuk ni jora swlaijak mani kokno khursana nai jak kha.Jora swlai jakma bai baksa twrwk twrwk khe jorani phero khlaiui bahai khe huk khlai chama jorani simi khet khlai chama jorao swlaijak phaikha abono karwi huk khlai chaphuru ni baithangni hukumu mukumu rokbo twrwk twrwk kwmarwrwk sana thangkhe agi huk khlai chaphuru hinkhe huk ni samung tangtwtwi jaduni rwchapmungrog rwchap lai o ehu… hu…hu…khorang khlai aphuru rogo tongthok chathokni bising twi samung tanglaio phiya khet khlai chalai ma puilao khe rwngtwtwi rwngya twi khlai chalaijaja kha. Swikwrwng abono swkang jorani tongthokmung aborok kwma baikha hinwi khursana naijak kha.

Kamichhang Burao - Class 11

Compare

Kamichang burao(কামিচাঙ বুরাঅ) kokbom swinai wngkha swikwrwngjwk Mangaleswari Debbarma(মঙ্গলেশ্বরী দেববর্মা).O kokbomni bisingtwi imang nuk mano mwkthango mana muchungmani kokno sajak kha.Sana thangkhe borok kha- kamani manuino manna muchungkhai podrepot wansukmung khao phaijago.Khao thaimani o manui mukthango nukjakyakhe imango phano phaiui nukjago.Chandirai bo thuphuru abo haino imang kaisa nugo. Imango nukmani manwi jekhephano mukthango nukjaganw eba mananw hinwi lukurog wanswk phano kubui kubui abotwino wngnai abo hai mungsa kok kwrwi.Tamoni hinba imango hamung siniya lobui pungmatwi borokrokbo hamung siniya Imang nugo.Phiya imangle imang no. Tokha bising Tokha bo hamung siniya lobui pungmatwi borokrogbo hamung siniya imang nugo. Tokha pungmani mungsa bo kukcha kwrwi wngmatwino imango nukmani manuinibo mungsa kukcha kwrwi hinwi sajako.

Ang Kokborok - Class 11

Compare

Ang Kokborok (আঙ ককবরক) koklop swinai wngkha Sunil Debbarma (সুনীল দেববর্মা) o koklopni bisingtwi chini mani mani kok eba Kokborok kok no bahai khe teibo kuchuk o tisanai abono twi sajak kha. Kok kuchugo tisane thang khe chwng kokborok no hamjak thai kokborok kok bai swimung tei porimung tei sajak mung tongnani nangnai abo hai hinkhe se kwchwng athukri ahai wng mannai

Khumbarsa ni banta - Class 11

Compare

Kamaliya Debbarma Khum barsani banta(খুম বারসানি বানতা) koklop swinai wngkha - Kamaliya Debbarma (কমলিয়া দেববর্মা).O koklopni bisingtwi swkang jora ni simi khuk bai khuk o khochogwi phai kerang kothama thaisa kokno kisa naharui sajak kha je bahai khe mwtai ni khum no kholwi huluk bai muphuk wng thangmani kokno tisaui sajak kha.

Jadu Kolija - Class 11

Compare

Jadu kolija(জাদু কলিজা) koklop no swinai wngkha Narendra debbarma bai thumjak. Jadu kolija(জাদু কলিজা) wngkha Tipra dophani luku rwchapmung.Sirisiti ni simi khuk bai khuk o rwchapjagwi kochokgwi phaimani abagwi bono khukni kokrwibai hinwi bo saui mano.O jadu kolija ni bisingtwi chwng swkang jorani tongmung- chamung,kanmung- chummung,tangmung-twimung rokno nugo.

Salkwbangma ni Salsa - Class 11

Compare

“Sal kwbangmani salsa” o kothoma swinai wngkha swikwrwng Sumen chandha.O khotoma ni bisingtwi swikwrwng sana naikha Sribilas(শ্রীবিলাস)ni - nukhungni kothoma no khursaoi phunukjak kha.Bini bihik ni mung wngkha Bindu (বিন্দু) tei borogni bwsa khoroktham tongo Kelo, Hebu, Sodu.

Khotiyan - Class 11

Compare

Khotiyan ( খতিয়ান) kokswlaijak kothoma swinai wngkha swikwrwng Manik Bandopadhyay (মানিক বন্দ্যোপাধ্যায়) o swlaijak kothoma ni bisingtwi tongthar rwgwi Satokjak, baswrang tongnai rogno twiwi kokthomao sajak kha.

Kochokjak Jora ni Khorang - Class 11

Compare

Kochokjak jorani khorang (কচকজাক জরানি খরাঙ) thungnuk swinai wngkha swikwrwng Nanda kumar Debbarma (নন্দকুমার দেববর্মা) o thungnukni bisingtwi kusung kusungni bubagra chaui naikolui thangmani laibuma kubui kothoma Bharat ha kotorni haste Tripurani laibuma kothomabo jorani aksingo mihimui bwchap bwchap khe muito khatijak kwthang tongo.Aborokni bisingo laibuma kubui thaisa wngkha Mahamanikya hinwi belai mung gwnag khoroksa bubagra tongmani.O thungnuk o Mahamanikya bubagrani bwsla okra Dormo dev ni langmani kothoma no swijak kha.