Course description

Kokbwkha:-

                    1355 bongabdani 11 pus(1945 khristabdo) Agartala ni umakanta rwngnokni swrwngnairogni tongrathaio khorokchisa Tiprasa siklarogno twiui "Jono sikha somiti achai" hinui sajakphano o motha Durga Choudhury parao  sak mang mano hinui sajago.Achukphang yakchu chongjak Khai Dasarth Debbarma.Tiprasarogni rwngya siya tei biyal sokomorwna bagwi O motha khajago.

                 Borogni puila Kok rwma bwlaio bisi kwdwkmani bubagrani naikanio chini borokrog rwng rwngya tei biyal kwlaiui tongmano yakagrwnai samungno Kha kuwarkhe rwngjak sijak siklarogni tei hastephani chubachu naharnani Kok Sajak Kha.Swrwngnai sikla siklarogno khobui borogni luwajima naui puila beremni rwngnok achukrwnani Kok Sajak Kha. Nokha talnwini bisingono Sodor ,khowai, komalpur bwkhakrogo O mothani Kok jaikhe awai khlaijak Kha. Rwngni bagwi choba biyal sokomorwnani Chobani nangmani kokno twidulnairog nai nukya jagao sakha tei jotono mothasa chapnani kobogkha.Jotoni chubachu bai bisani bisingono khung brwiraswk rwngnok khulokjak Kha.Apuru Tiprani rwng bedekni poja hornai Brawon Saheb bwlaio chubakha. Bo mayung kaui Jono sikha somiti bai achukrwjak rwngnokrogno taltham romui beraiui naikha.Aboni bagwi mothani twidulnairogni bwkha teibo swrwngkha. Amchairog okra chakra tei brwi chwrai jotono O rwngnok achukrwthani chubalaikha.

                   Phwrwngnai hinui chongjaknairog dormui (beton) nayauino o samungno kubul laikha. Abono nugui rwng phuwarmanino twiwi Brawon Saheb koklamni bagwi o mothani adongsong kobogkha. Pandao Sudhanwa Debbarma bai Dasarth Debbarma manjak Kha tei borokni samung naimung bwlaio sukurubui Sajak Kha. Borokni O rwng phuwarnani chobano karwibo bara-baichingo rwmani pohor pirnani saktharjak kha. Aboni logi wanjwirogno logi twiwi mohajon kusupmanino kebengnani samung tanglaikha. O mothani bwskang himmungni lamano kasuna bagwi aphuruni bubagra Bir Bikram Kishore Manikya 1946 bisio Tiprasa ojamarogno twiwi Tripur songo Khao. Phiyaba o mothao Jono sikha somitini khoroksaswk phano adongno narwkjakliya. Aboni bagwi horsani horono Sudhanwa Debbarma, Amarendra Debbarma, tei Hemanta Debbarma mano romkha.Ulo lukurogni samung bai borokni phiyogwi ma rwkha tei Jono sikha somitini adongsong o Tripur song o ma khobkha. Jono sikha somitini chobani turno kasuna bagwi Tripur songo  khakjakmani phano bubagra Bir Bikram Manikya thwimani ulo o motha komorwi thangkha.

What will i learn?

• Chini Tiprasa hoda aikhor siniya tongnairogno lekha phwrwngnani bagwi Jono sikha somiti khakjakmani ulo O mothani saktharma bai bisi kaisani bisingono hasteni juda juda jagao rwngnok achukrwjago. Aboni bagwi amchaini borokrogni chubachu bai rwngnok tai phwrwngnai tongnani samungo hapkha. Abotwi khe bisi kaisani bisingono hasteo khung brwirani kwbang rwngnok achukrwjago. O rwngnok rogo phwrwngnani samung hapnairogni bising wanjwirogbo tongo. Wanjwirogni chubachu manma bai ulo Jono sikha somiti wanjwi amchaibo rwngnok achukrwkha.

Frequently asked question