Course description

Kokbwkha:-

                     Wansukma kothoma borok khoroksa bini kha riui wansugwi phwlang phwlang mokolo bini wansukmarog nukjakma hai wngmani kothomano Sajak kha. Nukhung kotormani bisingo ajinai songdari tai ajimung Kisa wngma bai nukhung manui khunuini biyal nanggwino tongo. Abotwi tongmung borokrog hatini phalnokrog kisamasa manui solok-ari kwchao. O solok Ari sunani twiwi Kok banglamani ulo wansukma kothomani bubago tongnai borok wansukrai no-go thagwi diboro mai chapnani naui mui som papmano twiwi bihikno kulo. Hisaknwi kullaima khwnaui buma burichuk tentaio tai bupha bo kutuk horo. Kha hamya wngjak thamchi paiya wansukrai paithago bisiktham bwsajwk bono mai chanani ri romui sotonui kapmano bo nokhagwi nokni ongkhorwi thango. Nokni ajinai borok no-go kwrwi hinkhe bobotwi Birman nangwi man abo saui manui wansukraini bihik Molina bwsaino no-go kiphilwi phimani bagwi tai bwsaini thamsi holirwna bagwi kok kwtwi kwcharwi rihoro. Abotwi kokbanglai Bui thangya bolongo thangwi umor, bumung,mwkhang bebak bwsajwkno kosol cheraino khwichang khagwi tongma nugo. A cheraini tongmungno nugui wansukrai a cherai song tongma jagao thangwi a cheraini buma bai Malaio. Cheraini buma tai borogni nok belai biyal kwlaiui derasukjak nukmani ulo a bwrwini mwkhang nugui tai bwsaini bumungo bini hai khwnaui wansukrai mwlang chao tai a bwrwi bono bwsai hinui sao.

                     Borokno taisa  kiphilui phainani  kok riui tai Bini logi tongmani   rang khok Sara yapharwi no-go phaio.Jaikhe sinijakni bagwi bihik Molina bwsaini yaphiri khorangbo siniui bwsaino bwsai  hamjakma chamung nungmung rio. Ulo bo bolongo nukbumani kokrogno bihikno saui khwna rio. Taini salo a bolongo thangwi borok  a cheraisongni nok rutugo phiyaba mungsabo aro kwrwi.Kok hinkhe wansukrai bo kwrwi hinkhe bini bihik bwsa bwtwi bobotwi wngno eba tamo wngno abono kha riui wansukma baino bo abotwi khe nuk Kha. Bolongo nukbuma buma buphano solani rang khok Sara yapharwi kabuma tongphano abo soi khe Malima bwsaini solani rangno kubun jagao swkangno norwi tonjak. Thinang nangkhe Swbainani bagwi Malima swkangno a rangno norwi tonjak. Wansukma kothomao wansukrai wanama kwbang borokphano bihik Malima soi soi  nukhung Kotor thamgwi tonnani rwngmari gwnang chukjak Hamjwk.

What will i learn?

• Hodao juda juda dalni borok tongo.Dalsa borokrog baithangni hamarino karwi tei keboni kaham hamyano wansukya. Abotwi borokrog borokni nok nukhungni borokrognobo aswk cherya. Nokni hiksa nok khibiwi je muchwngtwi birwi tognai borokrogno hodani mokol borog hamya eba chaya hinjago. Abotwi baithang hamari simi nainai tei nok nukhung cherya tongnai borog rogno hodani hamya eba hodani busu hinjago. Hodao nok nukhung khaka hanke nukhungni chwlano nukhung ma naikolo. Nokhung naikolnai chwla borok nok yakarw thangka hankhe eba nukhungni kahamhamya kahamkhe naikolya hankhe nokni bihik bwsa birman kwlaio. Unsukma kothomao unsukrai bwsajwkbai baksa umorni bwsajwkno solnai cheraino tha bolong khurui muikhunsok khwlai muya phalwi khwchang khagwi tongma nugo. Aboswk cheraio samungrog tangnani chukyaphano matangma nukha. Bono karwi ah cheraini buma nok kichik kwplao ri-chum kichik-michik nokni manwi kwbai kichigo tha rugui chawi tongma rog nugui khairogjagwi bwsai boro thang hinwi swngnani nangkha. ah bwrwini bwsai sal kwdwkma swkangno borogno khibi kwlangkha hinwi o bwrwini thanini khwnawi wansukrai jolijago. Bo ah bwrwini bwsaino jolijagwino o kokrogno sakha.

Frequently asked question