Course description

Koklyaphang:-

Tripurao tongnai Tipra dophani lukurog samani mani kokno eba Kokborok hinjakgo(ত্রিপুরাঅ তঙনাই তিপ্রা দফানি লুকুরগ সামানি ককন' তিপ্রা কক এবা ককবরক হিনজাগ')।.Swijakya jorani simi sajagwi phaimani o kokni kokrwbairog khukbai khugo simi tongmani.Phiyaba dophani kokborok lekha swrwngwi swinani porinani kwrwng wngmani ulo a dophani borokrog kok ama eba ma ni kokno swinani chengkha. Abotwi khe swinani chengma bai jora kwdwkma romui lukurogni khukbai khugo simi beraiui tongmani nukjago.Phiya khuk bai khugo tongnai kok swimungni sakur manmabai simi paisugui thangya. O kokni hamkrai twi pirjakmungbo nango.Swijakmabai baksa sajakmani tei porijakmani bangkhe kokni hamkrwi wngo.O swijakmung twi porijakmung tabuk jesuk wngmani abo bai chukyakho.Taibo kwbangkhe swijaknani tei porijaknani nango.Kwbangkhe swijagwi porijagwi loi khlaijak khe hayungni kubun chuksajak kokroghaikhe kuchuk achukrem kokborokbo sogwina muchungjago.O kok sanai borokrog kokni hamkraini bagwi saktharya hinkhe mungsasuk deramung kwlaiui o kok kwmai thangmani tongo.Chini kokni hamkraini bagwi buinisai swkang chwngno saktharna nangnai.

What will i learn?

• O koklopno poriui chwng mankha Kokborok kok swkango bahai tong mani tei tabuk swimung ni gorong manwi bo kokborok jwngjal paisuk jak yakhu. Kaisa kok no kuchungo tisana thangthani a kok bai swimung tongnani nangnai tei a kok no sanai tei sajak nai tongnani nangnai abono sajak kha rwngni chwrwi eba wabali bur chokmani wa bonani nango hinui saui mankha.

Frequently asked question