Course description

Kokbwkha:- 

                 Tongkhorni habar deramungno nugui koklopnai belai kha khamjakkha.Bo bini bwkhabai nukjak bithangni kokthai sananni naibo sana manya,kubuino koknobo bujiya.Nokhani tal pirtwi mani kok pirsai phaima jorao I kokno yachaknai soi soi yak kwrak rutugwi manliya.Koklopnai mani kokno chwnarwi tisanani kok sakha.Chwng jesabo samungno jetwi khe noknani muchungmani abotwi khe nukya hinkhe khao chajakya wngmano phaio.Tangnairog tangthai samungno jai jaikhe tongya hinkhe a samungni bwthai bai kubuljak borok taibo bwkha hamya wngjago.

                    Samung chengphuru kok kwthwirog khwnarwjak phano ulo a samung tangnairog borokni samungno sak nangya wngwi tongmarog nukjago.Aboni bagwi koklopnai aro hor no hor buya hinui sakha.Hor chwngno pohor tai bini kutung riui hamari rwphano o hor bini samungno jai jai khe tangya hinkhe abo hor yano wngwi thango.Bono karwi jesabo bahai motom tai koktwmarog pirnai nokbarbo bini samung jaikhe tangya hinkhe bahai motom tai mwnak pirjagwi manya, tai koktwmarogno kwrwngsaono tongrwgwi thango.

                 Koklopnai aro samung tangnairogno tangnani swkang jetwi khe lukurogno kha- khamjagkha tai kok rwmatwi samung tangnai bagwi bo kok kwcharwi kwlangkha.Chini kok- ama kokborok hamkraini bagwi kok kwbangmano sajak kha, phiyaba samung yak rwnai kwrwi.Kokni hamkwrai bagwi jerog eba je motharog bwskango phainai nangmani tai jerok poja yachakmani borogni thanibo mungsa mari kahamni yapri manjakma nukjakya.Lukurogni bisingo hamjakmani halokbai kwthalaiui thansa tongnani nangphano juda juda kokrogno tuiui kok twiui kok banglaiui khakjaklai tongmani koklopnai taibo kha nangjak kha. Bono karwi hamjakmani dwkhwi lukurogni khaui tonnani naiphano chukjak borokni yak rutugwi manya wngwi koklopnai talni yakbai borokni yakno khanani naiphano yak retekgwei manya hinui sakha.

What will i learn?

• Tai mwnak kokthaini khumtang koklopno poriui chwng sauimankha Hamjakmani halokbai bosongni borokno bising thupsakhe toninani jotono muchungjago. Hamsajak,Chwngsasa,bosongni borokrogni bising kaisa bai tai kisa walai suklai kwrwi kwthalai tongthun hinui koklopnai kha o chongo.Khoroksabai tai khoroksani bising kwthalaiui tongmani halokno koklopnai talni yakbai borokno khanani hinui sursaui sakha. Bosong hamkraini saktharmung achai piri kaisa saktharma bai chukya.Bosongni piri thwgwino saktharna nango.Achai swkangsong bosong hamkraini samungno tangwi kwlangmani bara tangbaiya samungno thinang achai songni thani yapharwi jkwlango .Abotwi kheno kwthang tai sakmang chungjak.Habani samung yapharnani borok nukyakhe a samung yapharthokya wngo.Chini borokni bising tabuk kokni tai bosong hamkraini samung tangnai tai wansuknai boeok nukjakthaya wngmano koklopnai borokni yak rutugwi manya hinui sakha.

Frequently asked question