Course description

Kokyaphang:-

                      Kalung (giyan kumar) wngkha mokol nukjaya tangwi chanai bigra Ramkumarni bwsala kusu. Umor bisi chinwi bara wnglak bini.Haiphano buphano chubathani nok nukhungni bagwi wansukthanio bwta khoroknwi tei  bibi khoroknwi swlai belai juda.Masingni kwchangma bohor aichukni togla kochikdrop mwkwtrwi teibo lobsama jorao no bupha bai sochajago samung thangnani bagwi.Chasolok umorni Kalung selemabo tongnai phiyaba yokjaya ma thango buphani logi sal thangwino.Yang bisitham bisikbrwi romui  hamya kwlaijak mungsa samung tangnani sak rwya kalungni bumani.Bibi khoroksabo borok munwisu achaiui phaikhe bahaikhe him abose saui manjaya.Achai phangsini simino sak rugi kwlaijak.Ramkumarni bwsala okra khoroknwirog kaijagwi borjagwi alka nukhung wngjak mamang.Khoroksakhe chakri khlai chaui nungwi kaham kwrwngno.Tei khoroksakhe bwkrasongni kamio thangwi kheto kaniba- kanidok paui abo baino nukhung hamte te.

                    Ma- pha,Hanok phayungni kok wansuknani kisaphano borogni bwkhao phaiya.Ram kumar  mokol nukyatwtwi kalung bai kwnwi rang ajimani bai khorokbrwini bagwi Salo mai phaisa thwkrwnani belaino tugu.Aroni bisingose bihikno hamrwnani muchungma bai bithi bwrai paui chario chayakarwi.Watwi kwrwi o pherang kokma hai kwpalni tamo dosa,salsa luma baino phani bebak maya yakarwi tepsakhe I hano yakarwi thango Kalung.Tabuk nukyani latha kwmajak.Ramkumarni langmao mwnakni swlai teibo jwngjal kwlaijak.Hor sal kabmang pogwi thangkha bebak halok tei baithangni khlai thaino.Bwkha bisingni bwkhathaio muito manjago khachuksa bwsala kusuni terodino ma khlainai.Bini pojano bo no ma hornai.Yago lepsa puisa kwrwi,chubanai tei kebo kwrwi.Masingni horo paithak mwnak kholobjak hayung mwkwtrwio kwmajak.Phiyaba Ramkumarni mokolo tini mwktwrwi kwrwi hama kolok kogwi phaio bwkha bisingni.

What will i learn?

• Ram kumarni latha kothoma no poriui chwng sauimankha Ram kumarni bwsarog chwla khoroktham tei bwrwi bukhuknwi tongo.Bwrwi khoroksa kaiui rohorkha tei chwla khorknwi akorog kaijagwi janija alaka wngjak.Khoroksa chakri khwlaio tei kanai chumui chaui nungwi kahm kwrwngno tongo.Tei khoroksa bwkrasongni kamio thangwi khet kaniba kanidok paiui amono tuiuino sodaino naiphaiya.Ramkumar waisa bihikno daktaro kotor bai phunuknani bagwi bwsajla songrogni thani rang sanui naikha phiya puisa lepsaphano keboni thani manliya.Bwsajla kwchari saui rohoro tei sal brwini ulo bupwrangjwkno hamjwk rohornani bagwi bwkrano rang hajar kaiya rwna nangnai hinui.Bwsajla okra chakri khlainaibo buino rang rwthai kwbangma office-ni G.P.F ni( অফিসনি জি.পি.এফ-নি) rang ponchas hajar lakai nauibo kulukya hinui sao.Jotono jani bai jano pailaiya buma buphan tei hanok phayung nokhe naiya chubaya,bupwrangjwkno khe kainani bagwi bwkrano rang chubao.Tei khorksa chakri khwlainai bwsajla okrabo Aguli jaga paio sakbaithangni hamnani bagwi simino.

Frequently asked question