Course description

Kokyaphang:- Asin-kartik talo khetni samung kisa helengo.Basal paidrop phung-sarik siyari lobsama bai habar kolomwi mwkhang kwtal.Buphang bulai koromjak kwrwi becheng kwthwi kwrwi.Tangkwrwngrogni manju mung masing jorani horua,hada,moso,muikwthwng-thaikhwthwng kaui narwknani no kha- kebengjak.Motwi hai jora no hukni samungbo paiui khetoni samung helengwi mwswi yagpaio twi tongma jora.Joara bai gothogwi mwtai dongor parao kami kernani sal.Phiyaba pub dagini gongachoron song bai mangal sordarsong takhlai tei thansa ker rwlailiya.Kheto arino twiui kok banglaimani belai kha- kheklaijak.Bisi thwgwino bwkra kiyokjak swila laitong hai, labo lachiya kibo kriya mwkhang behaiya,lokteng lokteng, chuak chakrak Horjoy.Mangalsodar bao gangachrano walaima jaga thabeng thabeng wngtwrwngwi langono goda khochai rwsam romo khochai khitarbaio. Kau kau chirigwi yongmal romui ula ula khlai jangrio Horjoy jurang waijaiuino.Hor saka teibo bo bol bogo Horjoy Mangalsorder bai gangacharan walaithani.Kamini borokrog kha-thaijak,kha-khamjak,mokjak.Kebo keboni kok khwnalaiya para kaglaima tongmung nugui kha khamjagwi wansukgo I ha saka buini dopharogle bwswk swkangwi thangkha,chini dopharogle kamini kheto arini kok banglaima ose kwmaui tongkhu.Baithangni hao tongtwtwi baithang sakmari sinimung kwrwi.Rwng,rango phan no hoidani tongmung bebak jagao no ukolok usuljak.Kusung kusung sai rasai bisi romui je bosongrog haino naikolui phaikha hayungni bwswk phangwnang bosongrog kiriui yak matonkha.

             Tini saboni swraimung bai o bosongrog ukolok kwlaijak wngkha.Hukumu- mukumu, tongmung chamung,kanmung-chummung kokmung mungsa phanose kwrwi hinmani kwrwi.Phiyaba tini tongwibo kwrwi bai baksa uansuknai kwrwi,taidulnai kwrwi,lama phunuknai kwrwi.Tamo bedekda mwktwrwi thangjak? Wngyakhe phegwida tongjak?Narenni bokhorogo teibo swngmung kasao I hani bubagra,bubagra simiya hodanibo bubagra.Hano simi naikolo.Phiyaba naikolnai bomotom gwnangrogni naharmungse biyang phasing.O kok uansukte uansukte imang kwmaui thango Naren.

What will i learn?

• O kokbomno poriui chwng mankha bahai khe tei tamoni bagwi borok para kaklainani nangkha .Bubagrani hao bubagrano wngkha jotoni swlai kotor.Bubagra wngkha mwtai bai baksa paitha khakamung tei paithak nahamung.Bubagranino kok khwnaya kebosi tongwi manya bubagrani simiya bo bubagra.B hano twiduinai .Hoda bosongni bebak tongmung chamung,kanmung chumming ,kokmung mwtai atai surimung ,hukumu mukumu bebakno bubagrani koktwi muchungtwi lukurog gosiui naharo.Lukurog jesuk bubagrano borom tei hamjakma rio aswkno bubagrabo prajano hamjagwi naikolui palaina nango.Luku eba prajarogno hamari eba hamkrai nani bubagrani kotor khlaithai samung.Bubagrani sadimung gosiui naharnani lukurogni khlaithai samung.Bubagra kwrwi praja eba luku tongmaya tai luku kwrwibo tongmaya.Aboni bagwi bubagrano bubagrano hani bubagra simiya hodanibo bubagra hinjago.

Frequently asked question