Haduluio Mwtai - Class 9

Hadului mwtai koklop swnai wngkha swikwrwng Rabindranath thakur o koklopni bisingtwi mwtai no tiui bono khumu mani suri mani raida rogno khursa jak kha.Sai rasai rang swbaiui chini borokrog tangwi aro khanitwi mwtaini mang achukrio.Bono mandob doga soui tonio. Doga phiyogwi bono chwng phung,dibor,sarik khumo,surio, kero chini sak baithang tei nukhungni hamarini bagwi.Phiyaba koklobnai saka giyanni rwbam bai nasigwi mwtai mandobo tongya. Bo tongo kheto – panthoro hachuk- hathaio; je jagarog borokrog dukhu kolomtwi hopung sapung samung tango a jagao.Samung tangnairog haino bono suriui kebo mukti manya, bo chini mangtangni hadului baino khajak.

Created by

ICA Admin1

Hours

0 Enrolled

    • (0 Reviews)

English

Last updated

Mon, 13-Jan-2025

Course description

           Kokyaphang:- Swikwrwng Rabindranath thakur o koklopni bisingtwi  sana naimakhe ha achaiui chwng dukhu birman manmasing manwi paithago yangmasingni ayangmasingo ma thango.Ayangmasing o rojong kwrwi ha bo hino.Ayang hao dukhu birman mungsa kwrwi.Yangmasingni dukhu –birman, nukya siyani yak kagmano-no mukti hinui hinjago.Kokthaisa bai sana thangkhe soksum hani yak kagwi pohorni hao ma thangmano mukti hino.

            Chini borok munuisurog i hao achaikhe mayani bengswnal swngjagwi thango.Jaiti gusti soklaio.Thangwi tongna bagwi dukhu birman mania ma ajilaio.Langmani lamao chwng hamya chaya kwlai,machaya- manungya wngo bulaio-toklai wngo butharlai toktharlai wngo.Kena nanglaio,bosong tei kaisa naslelaiui aroi-poroi wnglaio,haste kaisa bai tei haste kaisa choba nangui ha ni borokrog birman nangbaio.Habarni thungmung bai bo borokrok thwi baio.Aborokni bagwino chini borokrok jwngjal yakagwi jwngjal kwrwi ha o thangnani hinui mukti naitugo.

 

                Sana thangkhe luku hamkraini bagwi se mwtai.Lukurog bai bo surijago tei palailaijago.Lukurogni eba borokrogni bagwi hamya khlainai mwtaino mwtai hamya hinui hinjago.I Brahmando(সয়র)achaimanino mwtaini muchungma bai.Abaino bo soyor, bo joto jagaono tongo.Luku hamkrai tei luku palainani abono mwtaini raida.Bo nini ani tei jotoni sakatwino a samungrog khlairio.Aboni bagwi je borokrog satung watwi machayaui khet panthoro samung khlaio borogni yak bai kwtal kwtal swnammung achairio kaisani swlai tei kaisa bara naithok mukumu bini ruwai bai je sele samung khlaiya bo bini logi tongya tei surijakna bagwi nok khungsao bo chobjagwi tongya.

What will i learn?

  • Hadului mwtai koklop o mankha mwtai nogo chwng mwtaino surio,chini dukhu birman kaham hamya kok sao.phiyaba soidom mwtai nongkhorwi chwng bai kok samani,chini surimarogno khwnaphaikha hinui kebono sama khunayakho.Mwtai nogo mwtaini mang simise thong thong bwchajak.Mwtai nogo achugwi ngo surima bai keboni jwngjal yakarya,dukhu-birman sepelui manya.Baithang thangui cheton khwlaikhaise buini jwngjalo, dukhu birmani katerioi mano.Haino achuktwtwi mungsasuk wngya.A simari chini sago phaina nangnai.Simari se chwngno mokol kiyorrio.Abaino sajago mwtai kwrwi nogo nahale do mokol phiyok di.

Requirements

  • O koklopno poriui sauimankha hamnani chanani bagwi tei manui manya manui manna bagwi chwng mwtaino suri laio.Phiyaba i hayungo kaham hamya khlainai chini borok munuisurogno.Mwtai baithang phaiui mungsa phano khlai riphaiya.Mwtai kahamno karwi hamya baithangni sakno mwtai khajak hinui. Borok tongwise mwtai hinjago.I hayungo borok kwrwikhe mwtaino sabo mwtai hinui hinkhamun abono kok.Mwtai jotono borokni bisingtwi tei borokni yaktwi khlaijagwi tongo.kebo jwngjal kwlaikhe borokno bo no jwngjal yak kagrio. Dukhu-birman mankhe borokni bisingno keboya kebo abono katerio.Hamkraini khlai tei hamkrai lam bo ajoto lam bo ajoto pal baksakhe phan thansakhe, abo mwtaini phan bai baksa.Aboni bagwi koklobnai sakh mwtai jotoni thani khajak hinui.

Frequently asked question

কিফিলমুঙ: Mwtaini takjak mang tongo.

কিফিলমুঙ: Koklobnai Rabindranath thakur i kok sao(ককলবনাই রবীন্দ্র নাথ ঠাকুর ই কক সাঅ)।

কিফিলমুঙ:Borokni samung tangmungni habao (বরকরগনি সামুঙ তাঙমানি হাবাঅ)।

ICA Admin1

View profile

₹599

Lectures

1

Skill level

Beginner

Expiry period

Lifetime

Certificate

Yes
Remove from cart Add to cart Buy now

Related courses

Beginner

SIR, SWK TEI KHOROK/ সির,সৌক তেই খরক

0

(0 Reviews)

Compare

SIR, SWK TEI KHOROK/সির,সৌক তেই খরক/ এখানে আপনি Kokborok ব্যাকরণের Sir ,Swk tei Khorok শিখতে পারেন

₹599

00:03:00 Hours

Beginner

KOKTHAI THANSA AND KOTHAI SOLNOKSA

0

(0 Reviews)

Compare

Kokthai thansa eba Homonyms chapter no oroni bising kahamkhe sai manlainai. kokmang juda phiya bini khorang khe thansa wngmano no hino Kokthai thansa eba kokthai solnoksa.

₹299

00:05:00 Hours

Beginner

Swaithai - Class-7

0

(0 Reviews)

Compare

Chwng swithai tamo bono o chapter ni bisingtwi kahamkhe sukurubwi sai manlainai. Khukni peplai phaima khorangno swywi phunukna bagwi swijak marino hino Swithai.

₹299

00:05:00 Hours

Beginner

Koklop ni Simi Kaptwi Jora - Class 11

0

(0 Reviews)

Compare

Koklopni simi kaptwi jora (ককলবনি সিমি কাপত±য় জরা )kokbom swinai wngkha- চন্দ্রকান্ত মুড়াসিং ।O kokbomni bisingtwi swinai swikwrwng Chandra kanta murasing Tripura ha bubagra bai naikoljagwi tongma jora tabukni Tripura hasteno khobui bangla ha ni bwkhak khaksa tongmani . Jorani tur bai eba jora swlaijagwi Tripura Bharat(ভারত) ha bai gwdalma ygulo eba Bharat(ভারত) bagjakma yagulo khakjhakyaTripura khaksa bwkhak bangle hao bakgagui thangkha.Ha khakjagwi thangma bagwi Tripura bosongni borokrok bo khakjagui thangkha aboni bagwi borogni kok tei hukumu mukumu baksa kwmaui thangkha tei swlaijagwi thangbai ma no sajak kha.

₹599

Hours

Beginner

Manya Kho - Class 11

0

(0 Reviews)

Compare

Tripura songduk muluk baithang naikoljak amchai eba TTAADC eba khochorwi ADC khajaknani swkang drop tai khajama jorao ADC ni kukkchano kwbangma swrai swraikhe sauo manbaiya tongmani.Abotwi jora borokrog bagsa kok sapului khwnathokrwi lukurokni kha baithang ni phasing soton nani naimarok bo tongo.Tai bagsa hinmkhe khuk sa saui manbai ya godisa o kwlaijak tongo.Abotwi tongmungno rwgwi swikwrwng Haripada Debbarma “manyakho” Kothomano swikha. O kothomao kuphurai mungwi Bojendra colony o tongnai tongkosong borok khoroksa ni kokno khursakha.

₹190

₹599

Hours

Beginner

Drama Aitorma - Class 11

0

(0 Reviews)

Compare

Aitorma (আইতরমা) thungnuk swinai wngkha swikwrwng Narendra Debbarma (নারেন্দ্র দেববর্মা)। O thungnugo chwng nugui mano Hodani chaya kukyano yakarna bagwi lama phunukna eba hodani kahamni bagwi samung tangmano rwgwi swijak thungnuk eba নাটক wngkha Aitorma. Phungni pohor kwchwngno Aitorma lamsokma haino hodabo lukuni samung kaham tangnairok lamsogo hinwi oh thungnuk o swinai khursaui phunuk kha.

₹190

₹599

Hours

Beginner

Kochokjak Jora ni Khorang - Class 11

0

(0 Reviews)

Compare

Kochokjak jorani khorang (কচকজাক জরানি খরাঙ) thungnuk swinai wngkha swikwrwng Nanda kumar Debbarma (নন্দকুমার দেববর্মা) o thungnukni bisingtwi kusung kusungni bubagra chaui naikolui thangmani laibuma kubui kothoma Bharat ha kotorni haste Tripurani laibuma kothomabo jorani aksingo mihimui bwchap bwchap khe muito khatijak kwthang tongo.Aborokni bisingo laibuma kubui thaisa wngkha Mahamanikya hinwi belai mung gwnag khoroksa bubagra tongmani.O thungnuk o Mahamanikya bubagrani bwsla okra Dormo dev ni langmani kothoma no swijak kha.

₹190

₹599

Hours

Beginner

Khotiyan - Class 11

0

(0 Reviews)

Compare

Khotiyan ( খতিয়ান) kokswlaijak kothoma swinai wngkha swikwrwng Manik Bandopadhyay (মানিক বন্দ্যোপাধ্যায়) o swlaijak kothoma ni bisingtwi tongthar rwgwi Satokjak, baswrang tongnai rogno twiwi kokthomao sajak kha.

₹190

₹599

Hours

Beginner

Salkwbangma ni Salsa - Class 11

0

(0 Reviews)

Compare

“Sal kwbangmani salsa” o kothoma swinai wngkha swikwrwng Sumen chandha.O khotoma ni bisingtwi swikwrwng sana naikha Sribilas(শ্রীবিলাস)ni - nukhungni kothoma no khursaoi phunukjak kha.Bini bihik ni mung wngkha Bindu (বিন্দু) tei borogni bwsa khoroktham tongo Kelo, Hebu, Sodu.

₹190

₹599

Hours

Beginner

Thinang - Class 10

0

(0 Reviews)

Compare

Swikwrwng Sukanta Bhattacharya bai swijak “thinang” koklop bwchwlwi perjak mang bini baithangni imang tei muchungmani kok sauui baithangno kwthang hinui sakha.Bwchwlwi bumuk perwi nukjakthani a bwchwlwi kwthang tongmani yakumu manjago.Kwthwi bising langma kwrwini bagwi aborog ebo erya konrwibo manya.Phiyaba kwthang manwirog jeswkphano chikon wngthung bo kiyogo tei ero.Aro bumuk perdrop buriphang chara chikon tei kebel phano bo kwthang tongmani gwrwngrog phunugwi baithangno kwthang hinui sakha. Bwchwlwi perjak buriphang chara bini kha khlaimani, imang nukmani muchungmani kokno saui baithangno kwthang hinui saui tongkha.Kwthwi manwirogni bising je gwrwng nukjakmani aborog bini thani kwrwi.Kiphilui kwthang manwini gwrwngse bini sago tongo hinui a burphang chara baithangni kwthang hinui sakha. Bumuk perdrop bo kebel tei chikon phano bini bising ulo tornaniu tei er nani phan tongmani kokrogno saui a buriphsng bumuk perdrop mang tei kubun manui kwthangrog haino bo kwthang naharjak kha.

₹190

₹599

Hours

Beginner

Tai Mwnak Koktaini Khumtang - Class 10

0

(0 Reviews)

Compare

Tai mwnak kokthaini khumtang koklop swinai wngkha swikwrwng Sudhanya Tripura bini o koklopni bisingtwi sana naikha Kha muchungmani kha thonui tonmani samungrogno charwi manya eba tangwi manyani kha aphuru ayuk muyuk wngwi tongmano- no khani hor hino. Koklopai dophani kokrogno tisanani,rochongnani ,chwnarwnani, pirsarwinani,taibo kaham khlaiui manmayani tai jetwi wnganw hinui chongwi tongmani abotwi wngyani bagwi bini bwkhani hor khamui tongjago. Chini kok- ama kokborok hamkraini bagwi kok kwbangmano sajak kha, phiyaba samung yak rwnai kwrwi.Kokni hamkwrai bagwi jerog eba je motharog bwskango phainai nangmani tai jerok poja yachakmani borogni thanibo mungsa mari kahamni yapri manjakma nukjakya. Aborogno swinai o koklopni bisingtwi sana naijakha.

₹190

₹599

Hours

Beginner

Hani Kothomarog - Class 10

0

(0 Reviews)

Compare

Hani kothomarog (হানি কথমারগ) koklop swinai wngkha Budhrai Debbarma (বুদরায় দেববর্মা) Chini borokrogni langma kwbangma samung tangthani eba khlai thani samung derama nukjago.Thinang tamo wngnai abono wansugwi samung tangya hinkhe deramung phainai abo ni bagwi swinai Sirisitini simi sajagwi phai jak eba khwnalai phaijak kothomarogni kokno khursaui phunuk kha.Ramayan ni kothoma o bahai khe Lokhon bwta Ram ni bagwi kaijakma kwtalno bihikno yakarwi Ram-ni logi bolongo thangmani nugu tei kaisa kothoma ni kokno samani wngkha abo khe chethwang o kothomao bahai bwta bahanok bai kaijakna muchungjagwi samani bahanok gosiya wngwi chwthuang buphangni bochogo kaui thangwi bini langma rikha abono karwi bo nuai,kherengbar kothomarogo bahai samung deramung phaikha a kokbo khursai phunukkha.

₹190

₹599

Hours

Study any topic, anytime. explore thousands of courses for the lowest price ever!

Top categories

Useful links

Help

Subscribe to our newsletter