| Outcomes |
- O koklopni bisingtwi chwng saui mankha chini borokrogni langmao jora kaham bo phai O hamya bo phaio. Jora hamya phuru jeswk khlai bo samung phano chaya wngo. O jora hamya o kebengnai, musunai,hamyao khiklaina muchungnai borokni biyal kwrwi. Aro khursajak jorani "holong kosom " wngkha Sakmang gwnang borok tei bini imang nukmano mwkthang swnamna muchungmani lamano kebengnairogni kokno sajak Kha. O borok Bini baithangni jaiti eba bosongni hukumu-mukumuno mwthangwi narwknani saktharmani kasunai,kebengnai,musunairogno holong kosom hinui sajak kha. Chwng jesabo samung tangwi khani mwchungtwi bwthai Mankha hinkhe Kha swrangwi tongthogo. Sak sikla sago Phan kwtal khaui phaima jorao jesabo chasamanino naithoknani, Thinang chwngsarwnani nuk khe saui mankhe Bolong sikla nugui tongthokma haino khapang Kha swrangwi tongthokgwi phai O. Aro sikla chasolok jorani swrangwi phainani khapangni kokno-no Sajak Kha.
|
|
|
| Requirements |
- Habarni watwi bini jora phai khe ahaino waui hayungno kwchangrwo. O watwini twibai buphang waphang bebakno torwi logwi naithothok wngnani phan mano. Sak baithangni hamjakmani khum buphangno chwng chini kha muchungtwi janija khum bario,nok bwskango naithothok khe bariui tonnani muchungo. Watwi molni khumphangno twi luna nangya. Phiya O khumphang watwi manliya hinkhe bono twi luna nango. Bosong songsabo ahaino bwskango agogwi thangnani, chwngsanani, rochongnani hinkhe jora kwdwkma nangnai. Phiya chubamung mankha hinkhe o bosong daktino chwngsaui, rochongsaui mano. Aboni bagwi tabuk chubalaimano twi lujago hinui sajak kha. Nokha sakani twi bothorai kwlaimano no chwng watwi himlaio. Habarni raida rwgwi jora phai khe watwi wao. Hayungno kwchangrwo,hayungo tongnai langma gwnangrogno mwthango, tongthokrwo, bosongni errwnani SEP manrwo. Abohaino hayungni borok bosongbo bini bosongno errwnani ,chwngsarwna ani,rochongrwnani bagwi jora kaham nango. Jora kaham phaiphuruno bosong songsa chwngsaui rochongsaui naithothok wngo jora eba chayaphuru bosong songsa phano chwngsaui rochongsaui Manya. Aro watwi kokthai bai bosong kaisani ernani ,hamsanani, chwngsanani, rochongsanani bagwi jora kahamni sep manmani turni kokno sajak Kha.
|
|
|
0 